BE.196 Logu no.23
SAI HUJAHA DI PUSTAHA

Ayat 1
Sai hujaha di pustaha Padan na imbaru i,
Na tongtong lambok rohana Na so marpangansi i.

Ayat 2
Panjangkonna di dakdanak Na pinarhamaolna i
Panjamana di nasida Angka na hinaolna i

Ayat 3
Dohot asi ni rohaNa Di na marsitaonon i
Parmulia ni tanganna Pabalihon begu i.

Ayat 4
Panjangkonna di pardosa Na magopu roha i
Pangapoina di nasida Paubahon roha i.


Ayat 5
Tung lambok do ditogihon Angka dorbiana i
Asa sahat boanonna Tu banuaginjang i.

Ayat 6
Ingkon tongtong jahaonku Padan na imbaru i
Naeng tangkas ma botoonku Holog ni rohana i.
